Samuel na ena mauri dinadia iboudiai Iehova e abidadama henia. Meronai, ia na se ura Eli natuna Hofni bona Fineha ese bae hakaua kerere. (1Sa 2:22-26) Samuel na e tubu daeva bona Iehova na ia ida. (1Sa 3:19) E iahu neganai, dounu Iehova ena dalai e rakava, ena be natuna ese Iehova na asie badinaiava.​—1Sa 8:1-5.

Samuel ena haheitalai amo dahaka ta dibamu? Bema oi na matamata, namona na ba diba Iehova ese emu hekwakwanai bona hemami na e lalopararalaimu. Baine durumu diba ba boga-auka totona. (Isa 41:10, 13) Bema oi na tama o sina bona natumu na hereva momokani e rakatania, namona na ba diba Samuel ese natuna na se doridia Iehova ena taravatu bae badinadia. To ḡau iboudiai na Iehova imana ai e rakatani, bona e hekwarahiva Iehova baine badinaia bona baine hamoalea. Emu haheitalai namona ese natumu baine durua diba Iehova baine lou henia.

INA VIDIO BA ITAIA, EDIA HAHEITALAI AMO DIBA BAVABI​—SAMUEL , BENA INI HENANADAI BA HAERELAIDIA:

• Edena dalai Samuel meronai na boga-auka karana e hahedinaraia?

• Edena dalai Danny ese boga-auka karana e hahedinaraia?

• Edena dalai Samuel e buruka neganai haheitalai namona e hahedinaraia?

• Edena dalai Danny tamana bona sinana ese haheitalai namona e hahedinaraia?