Baibul stiuden na Iehova turana ai baela totona, taunimanima namodia bae bamodia na namo. (Sal 15:1, 4) Badina tura namodia ese idia bae durudia diba kara namodia bae kara.​—Her 13:20; lff lesen 48.

Emu Baibul stiuden o durudiamu hebamo dikadia bae dadarai neganai, namona na edia hemami danu ba lalopararalai. Reana idia e hekwarahimu tura gunadia bae dadaraidia. Una dainai, dia Baibul stadi negadiai mo, to nega iboudiai ba hahedinaraia idia na o lalodia badamu. Reana teks mesij ta ba siaia, ba rini henidia, eiava ba havadivadidia. Lauma dalanai bae goada neganai, dala ba kara Dirava ena taunimanima ma haida bae bamodia. Unu amo bae itaia idia ese e abi ḡaudia ese e haboio ḡaudia na e hereadia. (Mr 10:29, 30) Oi danu bo moalemu badina Iehova ena ruma bese na e badamu.

INA VIDIO BA ITAIA, EMUI BAIBUL STUDENT IBOUDIAI BA DURUDIA, KAVAKAVA TAUDIA BASIE BAMODIA, BENA INI HENANADAI BA HAERELAIDIA:

• Hebamo dikadia be dahaka?​—1Ko 15:33

• Jade ese Kristen taudia edia moalemoale karana be ede e laloa toma?

• Edena dalai Neeta ese Jade e durua hebamo dikadia baine dadarai?