Dahaka dainai ba heḡaeḡae? Ḡau haida daidiai ita na medikol dalanai heduru baita uramu bona hospele baita noho dibamu. Una dainai, hekwakwanai badana ta o emergency ḡauna ta do se varai, oi bae durumu diba ḡaudia na ba heḡaeḡaelai guna, unu amo medikol dalanai heduru maorona bavabia diba. Unu bo kara tomamu neganai, o hahedinaraiamu mauri bona Iehova ena taravatu rara ai na o matauraiamu.​—Apos 15:28, 29.

Dahaka ba kara diba ba heḡaeḡae totona?

• Ba ḡuriḡuri bona Advance Health Care Directive (DPA) kadina a ba hahonua namonamo. Bapatiso taudia na literature e nariamu tadikakana amo DPA kadi bae abia diba bona Identity Card (ic) danu natudia maraḡidia totodia

• Bema oi na rogorogo, emu elda ba noidia fomu ladana Information for Expectant Mothers (S-401) ena kope ta bae henimu. Una fomu ese be durumumu emu rogorogo lalonai bona mara negana ai medikol dalanai bae vara hekwakwanaidia daidiai abi hidi namodia ba kara

• Bema oi na opereisin bo abimu o medikol dalanai heduru ma ta bavabia na namo bona rara be ḡaukaralaiamu eiava oi na hospele ai ba noho, nega badanai emu elda ba hadibadia bona dokta danu ba hadibadia oi na Iehova ena Witnes tauna ta ese be vadivadimumu

Elda be ede bae heduru toma diba? Bae durumu diba emu DPA kadina ba hahonua. To, elda na medikol hedurudia totona oi daimu ai abi hidi na basie karamu eiava e vara ḡaudia daidiai basie gwaumu edia lalohadai ba badinaia. (Ro 14:12; Ga 6:5) Bema oi na emu elda bo hadibadiamu bo abiamu medikol heduruna lalonai na rara be ḡaukaralaiamu, idia na oi daimu ai Hospital Liaison Committee (HLC) be hadibadia haraḡamu.

HLC be edena dalai bae heduru diba? HLC tadikakadia edia ḡaukara na dokta bona mai edia maoro medikol hedurudia bae heni diba taudia ma haida bae durudia bae laloparara dahaka dainai eda tomadiho ese rara iabina karana e dadaraiamu. Rara basie heni hanai diba medikol heduru daladia na emu dokta ida bae herevaherevalai diba. Bema mai dalana, bae durumu diba emu abi hidi baine matauraia doktana ta bae tahua.

INA VIDIO BA HALASIA, EDENA DALA AI RARA IDADARAINA KARANA AI ABI HIDI BA KARA?, BENA INI HENANADAI BA HAERELAIDIA:

• Ina vidio amo oi be dahaka ome diba una ese baine durumu diba, rara iḡaukaralaina totona bae vara medikol hedurudia daidiai ba heḡaeḡae?

  Emu haere