February 26–March 3
SALAMO 11-15
Ane 55 Bona Ḡuriḡuri | Hebou Ikehona Herevadia (1 min.)
1. Mani A Laloa Oi Na Tanobada Matamatanai
(10 min.)
Taunimanima ese taravatu asie badinamu dainai daḡedaḡe karadia na e bada e laomu (Sal 11:2, 3; w06 5/15 rau 18 par. 3)
Ta diba momokanimu kahirakahira Iehova ese daḡedaḡe karadia iboudiai be haorediamu (Sal 11:5; wp16.4 rau 11)
Iehova ese baine hamaurida gwauhamatana baita laloa neganai una ese baine duruda mai haheaukada ida una nega baita naria (Sal 13:5, 6; w17.08 rau 6 par. 15)
INA BA TOHOA: Esekiel 34:25 ba duahia, bona ba lalo oi na ina siri ese e herevalaia gabu namona ai gini na heto.—kr rau 236 par. 16.
2. Dirava Ena Hereva Ba Tahua Namonamo
(10 min.)
-
Sal 14:1—Edena lalohadai ese Kristen taudia baine hakaudia kerere diba? (w13 9/15 rau 19 par. 12)
-
Ina wiki ena Baibul duahiduahi amo oi e durumu ḡauna ta be dahaka?
3. Baibul Duahiduahi
(4 min.) Sal 13:1–14:7 (th stadi 2)
4. Herevahereva Ba Hamatamaia
(2 min.) NEGA BONA GABU IDAUIDAU AI HARORO ḠAUKARA. Kamonai tauna ba vavea Memorial bainema. (lmd lesen 5 poin 3)
5. Herevahereva Ba Hamatamaia
(1 min.) RUMA TA RUMA TA. Kamonai tauna ba vavea Memorial bainema. (lmd lesen 3 poin 4)
6. Herevahereva Ba Hamatamaia
(3 min.) RUMA TA RUMA TA. Kamonai tauna ese Memorial invateisin na e abia dae. (lmd lesen 7 poin 4)
7. Hahediba ai Ba Halaodia
(5 min.) lff-MO lesen 13 poin badadia, riviu, bona tahua ḡauna. “Refrens Itaia” kahanai atikol ta amo emu stiuden ba durua Dirava ese tomadiho koikoi e laloamu dalana baine lalopararalaia. (th stadi 12)
Ane 49
8. “Aonega ese Tuari Ḡaudia Na E Hereadiamu”
(10 min.) Henanadai bona haere.
Tanobada heḡeḡemadai ai daḡedaḡe karadia na e bada e laomu. Iehova na dibana unu daḡedaḡe karadia ta itamu eiava edai e varamu neganai ta lalohekwarahimu. Danu e lalopararamu ita na ta uramu ta ese baine gimada. Ita e gimadamu dalana ta na iena Hereva, Baibul amo.—Sal 12:5-7.
Baibul lalonai ta davarimu “aonega ese tuari ḡaudia na e hereadiamu.” (Koh 9:18) Mani Baibul ena hahekau herevadia haida aita lalo, ini ese be durudamu dika amo baita hegima.
-
Koh 4:9, 10—Gabu dikadia basiola eiava sibomu na basio loa
-
Her 22:3—O loamu gabudia iboudiai ba henari namonamo
-
Her 26:17—Haida edia heai lalodiai basio vareai
-
Her 17:14—Bema o itaiamu heai na be varamu una gabu ba rakatania haraḡa. Danu bema hutuma na bae protest dainai e hegogomu badidia na basiola
-
Lu 12:15—Emu kohu daidiai emu mauri na basio haboioa
VIDIO ba pleia Abidadama Taudia Ba Tohotohodia—Asi Edia Abidadama Taudia Basio Tohotohodia—Enok—Lamek. Bena helai taudia ba nanadaidia:
Edena dala ai Enok ena haheitalai ese ina tama e durua daḡedaḡe negana lalonai abi hidi maorodia baine kara?—Heb 11:5
Nega haida, Kristen tauna ta na sibona baine hegima eiava ena kohu baine gimadia helaoreana kara haida be karamu. To namona na baine kara ḡaudia amo rara na basine hahebubu eiava ta basine hamasea.—Sal 51:14; Gima Kohorona July 2017 ai, ina atikol “Taunimanima Edia Henanadai” ba itaia.
9. Saturday, March 2 ai Memorial Kempein Baine Hematama
(5 min.) Tok na elda ta ese baine karaia. Kempein, spesol tok bona Memorial ena sediual ba herevalaia. Pablisa ba hagoadadia March bona April lalodiai bae heduru painia, bona hora 15 bae haḡuḡuru diba.
10. Kongrigeisin Baibul Stadi
(30 min.) bt-MO karoa 6 par. 9-17
