Ita na ta uramu mai kudouda idoinai ida Dirava baita badinaia. (Her 3:1) Una dainai, kamonai taudia ta hadibadiamu neganai, baita durudia e dibamu ḡaudia bae badina. Edena dalai?

Emu stiuden na dia hereva momokani mo ba hadibaia, to ba durua baine itaia e stadilaimu ḡaudia ese ena mauri bona ena hetura karana Iehova ida be ede e durua tomamu. Ba durua baine laloparara Baibul ena taravatu ese Dirava ena lalokau, ena kara namo, bona kara maoromaoro be ede e hahedinaraia tomamu. Mai aonegamu bona hematauraimu ida henanadai ba ḡaukaralai, unu amo e dibamu ḡaudia baine herevalai. Ba durua baine itaia Dirava ese se moalelaimu karadia haida be dadaraimu neganai, una ese ena mauri na be hanamoamu. Bo itaiamu emu stiuden ese Iehova be lalokau heniamu neganai, oi danu bo moalemu.

INA VIDIO BA ITAIA, HAHEDIBA TAUDIA IHALAODIA ḠAUKARANA BA MOALELAIA​—EMUI ḠAUKARA BE EDE BA HANAMOA TOMA?​—⁠TAUNIMANIMA BA DURUDIA E DIBAMU ḠAUDIA BAE BADINA, BENA INI HENANADAI BA HAERELAIDIA:

• Dahaka dainai Neeta ese Jade e nanadaia: “Monday ai ta herevalaia ḡauna taina o laloa dobu?”

• Edena dalai Neeta ese Jade e durua baine laloparara Baibul ena taravatu ese Iehova ena lalokau e hahedinaraiamu?

• Edena dalai Neeta ese Jade e durua baine hahedinaraia ia ese Dirava na e lalokau heniamu?