Iehova ese idaunegai Israel ai ogoḡami taudia e durudiava. Hari ina negai Iehova be ededia dala haida amo ena hesiai taudia bogaraḡidiai e nohomu ogoḡami taudia e durudiamu?

• Ia ese moni bae ḡaukaralaia namonamo dalana e hadibadamu.​—Lu 12:15; 1Ti 6:6-8

• Ia ese e durudiamu ta ta bae hemataurai heheni.​—Iob 34:19

• Ia ese e hadibadiamu bae hekwarahi kara dikadia bae dadarai totona.​—Her 14:23; 20:1; 2Ko 7:1

• Ia ese lalokau e hahedinaraiamu Kristen tadikaka oreana ai e hakaudia vareaimu.​—Ioa 13:35; 1Io 3:17, 18

• Ia ese helaro e henidiamu.​—Sa 9:18; Isa 65:21-23

Herevana eda noho daladia bae auka, namona na basita lalohekwarahi. (Isa 30:15) Iehova ese eda dabu ḡaudia na be henimu bema iena Basileia baita atoa gunamu.​—Mt 6:31-33.

INA VIDIO BA ITAIA, LALOKAU NA SE DOKOMU HEREVANA . . . OGOḠAMI​—CONGO, BENA INI HENANADAI BA HAERELAIDIA:

• Rijinol heboudia e heabiva gabudiai e nohova tadikakadia be edena dalai gabu daudau amo e maiva taudia ediai heabidae karana e hahedinaraia?

• Vidio ai Iehova ese ogoḡami taudia e lalokau henidiamu dalana be ede eme herevalaia toma?

• Edena dalai Iehova baita tohotohoa, ena be dekedai miadia ḡaudia na dia bada?