Baibul na Iehova ese e haerelaidia ḡuriḡuri sivaraidia amo e honu. Dirava ena hesiai taudia na e itaiava Iehova ese edia lalohekwarahi ta ta e haerova bona e durudiava neganai, una ese edia abidadama na e hagoadaiava. Una dainai, namona na siboda eda ḡuriḡuri ai ta lalohekwarahilaimu ḡaudia korikoridia baita gwaurai bona baita hekwarahi Iehova ena haere baita laloa. Baita helalotao, reana iena haere na ita ese ta laloamu dalana amo na idau eiava ita ese asita noia dalanai be haerelaiamu. (2Ko 12:7-9; Efe 3:20) Eda noinoi haeredia ai, Iehova ese ita be ede be duruda tomamu?

• Tauanina, hemami, o lauma dalanai goada be henidamu hekwakwanai ta baita haheaukalaia totona.​—Flp 4:13

• Aonega be henidamu abi hidi maorona baita karaia totona.​—Iak 1:5

• Ura bona goada be henidamu kara ta baita karaia totona.​—Flp 2:13

• Bema ita na ta lalohekwarahimu, lalomaino be henidamu.​—Flp 4:6, 7

• Ma haida ese be durudamu tauanina bona hemami dalanai.​—1Io 3:17, 18

• Ta ḡuriḡurilaidiamu taudia ese heduru na be abimu.​—Apos 12:5, 11

INA VIDIO BA HALASIA, IEHOVA NA “ḠURIḠURI IKAMONAINA DIRAVANA,” BENA INI HENANADAI BA HAERELAIDIA:

• Bema ita na gorere dainai ḡau haida na basita kara diba, edena dalai Tadikaka Shimizu ena haheitalai ese baine hagoadada?

• Edena dalai Tadikaka Shimizu ena haheitalai baita tohotohoa?