Emu hesiai ḡaukara ihabadana totona, so manada gabuna ta baola totona abidadama bada karana ba hahedinaraia na ḡau badana. (Heb 11:8-10) Bema o uramu pablisa dia momo gabuna ta baola, namona na emu kongrigeisin eldadia ba hereva henidia. Dahaka ba kara diba, unu amo ba diba moni hida ba ḡaukaralai bona edena gabu baola? Eda pablikeisin ai pablisa dia momo gabudia ai haroro ḡaukara sivaraidia ba haerodia. Kongrigeisin ma ta e durua pablisa-dia ba hereva henidia diba. (Her 15:22) Iehova ena hahekau dalana iabina totona ba ḡuriḡuri. (Iak 1:5) O uramu baola gabuna ba hetahulaia namonamo, bona bema heḡereḡere, abi hidi ta do so karaia neganai, dina haida lalonai una gabu ba havadivadia.

INA VIDIO BA HALASIA, MAI EMU ABIDADAMA IDA HESIAI ḠAUKARA BA KARAIA​—GABU MATAMATANA TA BAOLA BA HARORO, BONA INA HENANADAI BA HAERELAIA:

• Gabriel ese dahaka ḡau haida e haidau, bona dahaka ese e durua?