Iehova na e uramu famili na bae moale. (Sal 127:3-5; Koh 9:9; 11:9) To, ina tanobada ai e varamu ḡaudia bona famili ai ta ena kerere dainai, eda moale na baita haboioa diba. Ruma bese taudia ta ta be dahaka bae kara bae moale totona?

Tau ese adavana baine matauraia na namo. (1Pe 3:7) Tau ese nega baine ato adavana baine bamoa. Ia na mai dibana hahine ena goada na mai hetoana, bona hahine ese ia bona ena ruma bese totona e karamu ḡaudia na e lalodia badamu. (Kol 3:15) Ia ese adavana e imodaiamu bona ena ḡaukara daidiai e hanamoamu.​—Her 31:28, 31.

Hahine na dala idauidau ai adavana e duruamu. (Her 31:12) Adavana e matauraiamu bona raruosi e ḡaukara heboumu. (Kol 3:18) Adavana e hereva henia namonamomu bona haida vairadiai ena kara namodia e herevalaimu.​—Her 31:26.

Tama sina na nega bae ato natudia bae bamodia. (De 6:6, 7) Natudia bae hamaorodia idia na e lalokau henidiamu. (Mt 3:17) E matahakani henidiamu neganai mai lalokaudia bona lalo maoromaorodia ida bae sisiba henidia.​—Efe 6:4.

Natu ese tama sina bae matauraidia bona bae kamonai henidia. (Her 23:22) Idia ese tamadia bona sinadia ediai edia lalohadai bona hemami bae herevalai. Sisiba e abimu neganai bae abi dae bona bae matauraidia.​—Her 19:20.

INA VIDIO BA ITAIA, EMU RUMA BESE LALONAI MOALE BA HAVARAIA, BENA INA HENANADAI BA HAERELAIA:

Ruma bese ai ta ta be dahaka e kara bae moale totona?