Seket taudia bona adavadia na sibodia edia ura idadaraina lalokauna e hahedinaraiamu ma haida bae hesiai henidia totona. Ita heḡereḡereda, idia danu mai edia ura ḡaudia bona nega haida hesiku mamina e abiamu, e lalomanokamu, bona e lalohekwarahimu. (Iak 5:17) Ena be unu heto, to wiki ta ta ai kongrigeisin e vadivadidiamu neganai, edia ura badana na tadikaka taihu taihu bae hagoadadia. Momokani, seket taudia baita “matauraidia bada” na namo.​—1Ti 5:17.

Aposetolo Paulo na palani e kara, Roma kongrigeisin baine vadivadia neganai, ia na e ura “Dirava amo ema harihari ḡauna” baine henidia bona edia ‘abidadama amo ia bae hagoadaia.’ (Ro 1:11, 12; NWT) Oi ese seket tauna, bema ia na e headava, adavana ida ba hagoadadia daladia haida o lalomu, a?

INA VIDIO BA ITAIA, SEKET TAUNA ESE E KARAMU ḠAUDIA, BENA INI HENANADAI BA HAERELAIDIA:

• Ededia dala ai seket taudia bona adavadia ese sibodia edia ura idadaraina lalokauna na kongrigeisin ediai e hahedinaraiamu?

  Emu haere

• Edia heduru ese oi be ede e durumu toma?

  Emu haere

• Edena dalai baita hagoadadia diba?

  Emu haere