September ai, ita na taunimanima iboudiai ediai Dirava ena Basileia baita herevalaiamu. Baita hadibadia una Basileia sibona ese edia hekwakwanai iboudiai be haorediamu. (Mt 24:14) Una nega ai dahaka ba kara diba? Una hua lalonai, Dirava ena Basileia e herevalaiamu sirina ta na taunimanima ediai ba hahedinaraia. Bema kamonai tauna ta o davariamu, ia enai pablik magasin The Watchtower No. 2 2020 ta ba rakatania. Una murinai ba lou henia haraḡa, bena Mauri Ba Moalelaia Hanaihanai! buklet amo Baibul stadi ba hamatamaia. September ai heduru painia ḡaukara be karaiamu taudia ese hora 15 eiava hora 30 bae ripotilai diba.

Dirava ena Basileia e daḡedaḡe heniamu gavamani iboudiai na kahirakahira be hamakohidia sisisisimu. (Da 2:44; 1Ko 15:24, 25) Namona na ina haroro ḡaukara badana baita karaia, unu amo baita hahedinaraia ita na Iehova bona ena Basileia ta duruamu taudia!