July 29–August 4
SALAMO 69
Ane 5 Bona Ḡuriḡuri | Hebou Ikehona Herevadia (1 min.)
1. Iesu Ena Mauri ai E Vara Ḡaudia Na Salamo 69 ai E Perovetalai
(10 min.)
Asi badina ta dainai Iesu na e inai heniava (Sa 69:4; Ioa 15:24, 25; w11 8/15 rau 11 par. 17)
Iesu ese tomadiho momokani na e ura henia bada (Sa 69:9; Ioa 2:13-17; w10 12/15 rau 8 par. 7-8)
Iesu na hisihisi bada e mamia bona vine ranuna muramura ida e buloa bena e henia (Sa 69:20, 21; Mt 27:34; Lu 22:44; Ioa 19:34; g95 10/22 rau 31 par. 4; it-2 rau 650)
BA LALOA DOBU: Dahaka dainai Heberu Toretoredia ai Iehova ese Mesia ena peroveta herevadia e toredia?
2. Dirava Ena Hereva Ba Tahua Namonamo
(10 min.)
-
Sa 69:30, 31—Edena dala ai ini siri ese ita na e durudamu eda ḡuriḡuri karana baita hanamoa? (w99 1/15 rau 18 par. 11)
-
Ina wiki ena Baibul duahiduahi amo oi e durumu ḡauna ta be dahaka?
3. Baibul Duahiduahi
(4 min.) Sa 69:1-25 (th stadi 2)
4. Ba Haheauka—Iesu be Dahaka E Kara?
(7 min.) Henanadai bona haere. VIDIO ba pleia, bena lmd lesen 8 poin 1-2 ba herevalaia.
5. Ba Haheauka—Iesu Ba Tohotohoa
(8 min.) Henanadai bona haere. lmd lesen 8 poin 3-5 bona “Ini Siri Danu Ba Itadia” kahana amo ba karaia.
Ane 41
6. Kongrigeisin Iduruna Herevana
(5 min.)
7. Ruma Bese Tomadiho Ena Hahekau Daladia
(10 min.) Henanadai bona haere.
January 2009 ai, Kongrigeisin Buka Stadi, Tiokratik Haroro Sikuli bona Hesiai Hebou na e hatamonadia hebou tamona ai. Una ese dala e kehoa ruma bese na wiki ta ta ai sibodia edia ruma bese tomadihona bae abia. Momo na e moalemu, badina ina dala matamatana ese e durudiamu Iehova kahirakahira baela bona ruma bese lalonai edia hetura karana danu e hanamoamu.—De 6:6, 7.
Ededia hahekau daladia ese ruma bese kwaradia bae durudia diba edia Ruma Bese Tomadiho bae hanamoa?
-
Hanaihanai ba karaia. Wiki ta ta ai ruma bese tomadiho ba karaia dinana bona negana bavabia hidi. Bema ḡau ta dainai o abia hidi dinana na dia heḡereḡere, dina ma ta ai ba karaia
-
Ba heḡaeḡae. Adavamu ba nanadaia, bona nega ta ta ai natumui edia lalohadai ba tahu. Bema ruma bese ese wiki ta ta lalonai e karamu ḡaudia na e moalelaimu, nega bada na heḡaeḡae karana ai basio haoreamu
-
Ruma bese tomadihona na emu ruma bese baine durua dalana ai ba karaia. Natu e tubu daemu neganai, edia diba bona lalohadai na e idaumu. Namona na emu ruma bese taudia ta ta na o karamu ḡaudia ese edia abidadama baine hagoadaia
-
Lalokau bona herevahereva namonamo karana. Nega haida bema weda na namo, murimuri ai emui ruma bese stadi ba karaia diba. Emui stadi negadiai ba laḡa-ani diba. Ruma bese tomadiho negana na dia natumu ba gwau henidia eiava ba matahakani henidia negana, to una na ruma bese taudia ese e davarimu hekwakwanaidia ba herevalai negana
-
Ḡau idauidau ba ḡaukaralai. Heḡereḡere, hebou kahadia haida ba heḡaeḡaelai, jw.org ai vidio ta ba itaia bona ba herevalaia, bona haroro daladia ba tohodia. Vaia ruma bese tomadiho na herevahereva hebou negana, to nega haida una nega na bae ḡaukaralaia diba ruma bese taudia ta ta ese sibodia edia stadi bae karaia totona
Ina henanadai ba herevalaia:
-
Ini dala haida be emu ruma bese tomadiho ai vada o tohodia, a? Bona ede o karaia toma?
8. Kongrigeisin Baibul Stadi
(30 min.) bt-MO karoa 13 par. 8-16, rau 105 ai maua
