Dirava e gari heniamu tama sina na e uramu natudia na Iehova ena

abidadama hesiai taudia ai baela. Tama sina ese natudia na beibidia negana amo bae durudia Baibul ena hahediba herevadia na kudoudia ai bae ato. (De 6:7; Her 22:6) Una anina be ḡau haida bae dadarai, a? Oibe! Bae hekwarahi neganai hahenamo bae davari diba.​—3Io 4.

Tama sina na Iosef bona Maria edia haheitalai amo diba bae abi. Idia na laḡani iboudiai “Lagau-hanai Ariana” totona Ierusalem e laova, ena be una na mai hekwarahina bona moni momo e ḡaukaralaiva. (Lu 2:41) To, idia ese edia ruma bese ena hetura karana Iehova ida na e laloa bada. Una heḡereḡerena, hari ina negai tama sina ese edia hereva bona haheitalai namona amo natudia na bae durudia diba.​—Sa 127:3-5.

VIDIO LADANA DALA IDAUIDAU AI NATUDIA E DURUDIA BA ITAIA, BENA INI HENANADAI BA HAERELAI:

• Edena dala ai Jon bona Sharon Schiller ese Iehova e hesiai heniava bona natudia danu e naridiava?

• Dahaka dainai tama sina ese natu na laḡanidia heḡereḡeredia ai bae matahakani henidia?

• Edena dala ai tama sina ese natu bae durudia edia abidadama bae toho ḡaudia bae dadarai?

• • Ededia tulu Iehova ena orea ese e halasi ḡaudia vada o ḡaukaralai natumu o durudia Iehova turana ai baela totona?