KRISTEN EDIA MAURI
Intanet Ba Ḡaukaralaia Namonamo
DAHAKA DAINAI MAI ANINA BADA: Tulu ma haida heḡereḡeredia, intanet (social network) na mai ena namo bona mai ena dika. Kristen taudia haida na asie uramu una tulu bae ḡaukaralaia. Kristen taudia ma haida na una e ḡaukaralaiamu varavaradia bona bamodia bae hereva henidia totona. To, Diabolo na e uramu intanet baita ḡaukaralaia kerere, unu amo ita ladada bona eda hetura karana Iehova ida baita hadikaia. Iesu heḡereḡerena, Baibul ena hahekau herevadia ese bae duruda una tulu ena dika baita diba bona baita dadaraidia.—Lu 4:4, 8, 12.
BASITA KARA ḠAUDIA:
-
Intanet ai nega bada iḡaukaralaina karana. Intanet ai nega bada baita ḡaukaralaiamu neganai, ita na asi eda nega hesiai ḡaukaradia baita kara totona
Baibul ena hahekau herevadia: Ef 5:15, 16; Fp 1:10
-
Dia laulau namodia itadia bona hereva kereredia iduahidia karana. Ura kereredia o lalohadai kereredia e havaramu laulaudia (o provocative images) itadia karana ese ponografi bona matabodaḡa urana baine habadaia diba. Aposteit taudia sivaraidia iduahidia karana ese ta ena abidadama baine hadikaia diba
-
Dia hereva namodia eiava dia laulau maorodia iatodia karana. Kudou na mai koikoina dainai, ta na be uramu dia hereva namodia eiava dia laulau maorodia na intanet ai baine atodia. To una ese ta ladana eiava ena abidadama baine hadikaia diba
VIDIO LADANA INTANET BA ḠAUKARALAIA NAMONAMO BA ITAIA, BENA INI HAHEITALAI BA DADARAI DALADIA BA RIVIULAI:
