Iesu ese ita edai haheitalai namona e hahedinaraia, unu amo hahetoho eiava daḡedaḡe negadiai ia baita tohotohoa. (1Pe 2:21-23) Ena be Iesu na haida ese e ere dika henia, to se halou henidia. (Mr 15:29-32) Dahaka ese e durua dainai e haheauka? Ia na lalona e hadaia Iehova ena ura baine karaia. (Ioa 6:38) Danu, “vairanai e hure moalena” e laloa bada.​—Heb 12:2.

Eda abidadama dainai haida ese e hahisidamu neganai, dahaka baita kara na namo? Kristen taudia momokanidia ese “dika davana” na se haloumu. (Ro 12:14, 17) Keriso ese hisihisi e haheaukalaia dalana baita tohotohoamu neganai, baita moalemu badina ta dibamu Dirava ese ita na e lalonamo henidamu.​—Mt 5:10-12; 1Pe 4:12-14.

VIDIO LADANA IEHOVA LADANA NA MAI ANINA BADA BA ITAIA, BENA INI HENANADAI BA HAERELAI:

• Taihu Pötzinger * ese ena nega dibura ruma ai be ede e ḡaukaralaia namonamo toma?

• Tadikaka bona Taihu Pötzinger ese dibura kamepadia ai dahaka hisihisi e haheaukalai?

• Dahaka ese idia e durudia bae haheauka totona?