Dahaka dainai moale karadia o entertainment baita abi hidi namonamo? Badina muvi, ane, intanet, buka, o vidio game ta, ta abia hidimu neganai una ese eda lalohadai baine biagua diba. Eda mauri ai ta abi hidimu ḡaudia ese eda kara be hanamoamu eiava be hadikaiamu. Hari ina negai, Iehova ese e inai henimu ḡaudia na moale karadia momo ai e ḡaukaralaimu. (Sa. 11:5; Gal. 5:19-21) Una dainai, Baibul ese e hagoadadamu Iehova ese e moalelaimu moale karadia mo baita abi hidi.​—Flp. 4:8.

VIDIO LADANA EDENA MOALE KARANA BAINA ABIA HIDI BE NAMO? BA ITAIA BENA INI HENANADAI BA HAERELAI:

• Hari edena dala ai moale karadia haida na guna Roma taudia edia ala-ala gadaradia (gladiatorial games) ida heḡereḡere?

• Edena dala ai kongrigeisin taudia ese eregabe bae durudia moale karadia bae abi hidi namonamo?

• Moale karadia ta abi hidimu neganai, edena dala ai Roma 12:9 baita badinaia?

• Emu gabu ai moale karadia namodia haida be dahaka?