January 2018 amo, Eda Kristen Mauri Bona Hesiai Ḡaukara​—Hebou Pepana ena rau 1 ai na haroro daladia e toredia. Unu be ede baita ḡaukaralaidia toma?

Kongrigeisin ai mai Emu Tok Neganai: Namona na rau 1 ai e tore henanadai, Baibul siri, bona lou henia henanadaina ba ḡaukaralaidia. Eiava vidio ai haroro dalana e rekodia dalana ba tohotohoa. Eiava oi ese o ura heniamu haroro dalana idauna ma ta bona hereva ikehona dalana idauna ma ta ba ḡaukaralaia diba. Eiava iseda Hahediba Toolbox ena pablikeisin ta ba hariharilaia, ena be emu asainmen ena instraksen ese una na se gwauraia.

Haroro Ḡaukara O Karaiamu Neganai: Rau 1 ai e tore ḡaudia amo emu haroro ḡaukara ba hanamoa diba. Bema tau ta na baine kamonai, reana lou henia henanadaina ba ḡaukaralaia diba. Rau 1 ai e tore ḡaudia na taidia ba hamaoromaorodia, eiava oi sibomu ese o heḡaeḡaelaia ḡauna ba ḡaukaralaia diba. Eiava emu gabu taudia be vanegai hua ai o ḡaukaralaia haroro topik ta o siri idauna ta be moalelaiamu, a? Eiava idia be vanegai e vara hekwakwanaina ta o sivaraina ta e uramu bae kamonaia, a? Herevana rau 1 ai e tore ḡaudia na dala idauidau ai ba ḡaukaralaidia, to ḡau badana binai: ‘Ḡau iboudiai na sivarai namo dainai ba kara, ia lalonai ahumu bavabia helaoreana.’​—1Ko 9:22, 23.