Ina Negai Iehova Ena Ura E Karaiamu Taudia be Daidia? buklet na stadi matamadia ai o stadi dokodia ai stuident ida ba herevalaia.* Karoa 1-4 amo stiuden ese ita Iehova ena Witnes tauda be dibadamu, a karoa 5-14 amo eda ḡaukara be dibaiamu, a karoa 15-28 amo eda orea ena heau dalana be dibaiamu. Buklet na una dala (karoa ginigunana, iharuana, ihatoina ela karoa ginigabena) amo ba stadilaia na namo, to bema stiuden na karoa ta e uramu baine stadilaia guna, vada una karoa ba stadilaia guna. Karoa ta ena hereva iboudiai na rau tamona ai hehetore, bona unu na stiuden ida 5 minit eiava 10 minit lalodiai ba herevalai diba.

• Karoa ta ta ena sinado na henanadai bamona e tore dainai, unu ba duahi guna

• Bena karoa ena paragraf tamona tamona eiava iboudiai ba duahi hebou

• Una murinai, o duahimu paragraf ba herevalai. Laulau bona paragraf iboudiai dokodia ai e tore henanadaidia ba ḡaukaralai. Siri ba duahi muridiai anidia ba herevalai diba. Bona karoa ena hereva kwarana maraḡidia amo sinado ena henanadai ba haerelaia.

• Bema rau haida ai “Emu Diba Ihabadana” boksina ba itaia neganai, stiuden ida ba duahia bena ia ba hagoadaia e duahiamu herevana baine badinaia toho totona.