DAHAKA DAINAI? Baibul stiuden taudia be heḡaeḡaemu neganai, ta hadibadiamu ḡaudia na be lalopararalaimu bona be lalodiatao dibamu. Edia laloparara bona helalotao karana be habadaiamu neganai, be goada haraḡamu. Bae bapatiso murinai danu, hebou bona haroro totona bae heḡaeḡae na namo, unu amo bae “gima” hanaihanai. (Mt 25:13) Una dainai, stadi dalana bae diba bona stadi sediual namona bae karaia neganai, edia mauri lalonai namo bae davari diba. Stadi ta hamatamaia negana amo, stiuden baita durudia edia Baibul stadi iheḡaeḡaelaina karana bae manadalaia.

EDENA DALA AI?

• Haheitalai namona ba hahedinaraia. (Ro 2:21) Stadi ta ta o heḡaeḡaelaimu neganai emu stiuden ena namo ba laloa. (km-MO 11/15 rau 3) Namona na o makaia stadi bukana baine itaia.

• Ba hagoadaia baine heḡaeḡae. Ena stadi o hamatamaiamu neganai, namona na ba hadibaia heḡaeḡae karana na Baibul stadi kahana ta, bona ena namo ba herevalaia. Ba hadibaia edena dala ai nega baine ato baine heḡaeḡae totona. Hahediba taudia haida na stadi negadia ai edia buka e makaia ḡauna na stiuden e heniamu baine ḡaukaralaia unu amo ena namo baine itaia diba. E heḡaeḡaemu neganai ba hanamoa.

• Heḡaeḡae dalana ba hahedinaraia. Hahediba taudia haida na stadi e hakauamu lalonai stiuden enai lesen ta iheḡaeḡaelaina dalana e hahedinaraiamu