DAHAKA DAINAI?: Paulo ese Kristen taudia ihagoadadia totona e tore revarevadia 14 amo ta be 1 Korinto bukana. Ta ese revareva ta baine torea neganai, ena hereva na baine abi hidi namonamo. Unu amo revareva baine abia tauna ese baine duahia loulou diba. Revareva na dala namona ta varavarada bona turada baita haroro henidia totona. Danu, basita hereva henidia diba taudia na revareva amo baita haroro henidia dibamu. Heḡereḡere, haroro ai ta davariamu tauna ta na e kamonai namonamo, to nega momo ena ruma ai na lasi. Eda teritori ai haida baita haroro henidiamu na auka badina idia na bisnes rumadia ai e nohomu, eiava edia gabu na fensi amo e koua heḡeḡe, o gabu daudaudia ai e nohomu. Asi dibada tauna ta baita tore henia neganai, dahaka baita laloatao na namo?

BAITA KARAIA DALANA:

• Haroro ḡaukara ai ba herevalai ḡaudia ba tore. Revareva matamanai ladamu ba torea, bona revareva o tore badina ba gwauraia hedinarai. Reana henanadai ta ba torea, ia ese baine lalohadailaia totona, bona eda websait ba herevalaia. Bena Online Bible Study Lessons ba hadibaia, o ruma ai Baibul stadi ta karamu dalana ba herevalaia, eiava eda stadi bukana ta amo karoa haida edia sinado ba herevalai. Danu eda pablikeisin, heḡereḡere kontak kadi, invateisin pepana, eiava pepapepa ta na revareva ida ba siaia hebou diba

• Hereva ba hakwadoḡi. Namona na hereva momo basio tore unu amo revareva baine abia tauna na iduahina ai basine hesiku.​—Rau 8 ai leta itorena dalana ba itaia.

• Ba duahia lou bema hereva iboudiai na hedinarai. Namona na hemataurai, aonega, bona hahegoada dalanai ba torea. Namona na envelope ai stamp maorodia bavato.