Laulau eiava vidio ese ta lalona baine veria bona baine durua e diba ḡaudia baine lalopararalai bona baine lalodiatao. Iseda Hahediba Tauna Hereadaena, Iehova, ese ita ta itamu ḡaudia e ḡaukaralaimu mai anidia bada ḡaudia baine hadibada helaoreana. (Ge 15:5; Ier 18:1-6) Hahediba Tauna Badana, Iesu, danu unu e kara toma. (Mt 18:2-6; 22:19-21) Vanega laḡanidia lalodiai, taunimanima baita durudia dalana ta na vidio baita ḡaukaralai. Emu Baibul stiuden o hadibadiamu neganai, vidio o ḡaukaralai namonamomu, a?

Eda orea ese vidio 10 e heḡaeḡaelai ita bae duruda Sivarai Namodia Dirava Amo! buklet ena lesen ta ta baita hahedibalai. Vidio ta ta edia hereva kwaradia na buklet ai e hetore henanadaidia ta​—kala koremana ai e hetore ḡauna (bold)​—amo e abi. Eda websait ai e atoa buklet na mai ena link, bona henunai na baita ḡaukaralai vidiodia e hahedinarai. Danu, stadi pablikeisin idauidau edia vidio haida na eda Teaching Toolbox ai bo davarimu.

Oi be emu stiuden ese se lalopararalaiamu Baibul topik ta o herevalaiamu, a? Eiava emu stiuden enai hahetoho ta e varamu, a? Namona na jw.org® bona JW Broadcasting® ai ia baine durua diba vidiona ta ba tahua. Reana emu stiuden ida una vidio ba itaia hebou bena ba herevalaia.

Hua ta ta ai, eda orea ese vidio matamatadia e halasimu. Ba itadia neganai, haida ihadibadia ai ba ḡaukaralai daladia ba lalo.