Kora, Datan, bona Abiram na e gwau-edeede, e gwauva Iehova ena hahekau dalana na kerere. Iehova ese idia bona idia e sapotidia taudia na e hamasedia. (Nu 16:26, 27, 31-33) Iehova ta badinaiamu karana be dahaka ese be tohoa dibamu? Ededia Baibul sivaraidia ese ita bae duruda gwau-edeede taudia basita tohotohodia?

INA VIDIO BA ITAIA DIRAVA ASIE BADINAIAMU TAUDIA BASIO TOHOTOHODIA, BENA INI HENANADAI BA HAERELAIDIA:

• Nadia be dahaka hahetoho e davaria, bona daika ena sivarai ese e durua dainai Dirava e badinaia?

• E badu tadikakana ta be dahaka hahetoho e davaria, bona daika ena sivarai ese e durua dainai Dirava e badinaia?

• Terrance be dahaka hahetoho e davaria, bona daika ena sivarai ese e durua dainai Dirava e badinaia?

• Skul ai tadikaka ta be dahaka hahetoho e davaria, bona daika ena sivarai ese e durua dainai Dirava e badinaia?