Bema hahetoho na be daudaumu, baita lalo-manoka haraḡa dibamu. David na e diba King Saulo amo e abia hahetohona na gabeai baine ore, Iehova e gwauhamata heḡereḡerena ia na pavapava ai bainela. (1Sa 16:13) David na ena abidadama ese e durua baine haheauka bona Iehova baine naria.

Hahetoho ta davarimu neganai, reana ita na eda aonega, diba o ḡau ilalohadailai namonamo karana baita ḡaukaralai dibamu eda hekwakwanai baita hamaoromaoro. (1Sa 21:12-14; Her 1:4) Ena be ita na Baibul ena hahekau herevadia heḡereḡerenai hekwakwanai baita hamaoromaoromu, to hekwakwanai haida na dounu be varamu. Nega unu bamodiai, namona na baita haheauka bona Iehova baita naria. Kahirakahira ia ese eda hisihisi iboudiai be haoremu bona ‘iruru-mata iboudiai matada amo be dahu ohomu.’ (Apo 21:4) Ena be Iehova ena heduru dainai eiava dala ma haida amo eda hahetoho ta hanaidiamu, to baita lalo bada ḡauna na ina: Hahetoho iboudiai na mai edia ore negana. Una hereva ese baine hagoadada diba.

INA VIDIO BA ITAIA HEIRIHEIRI TANOBADANAI LALOTAMONA AI E NOHOMU TAUDIA, BENA INI HENANADAI BA HAERELAIDIA:

• United States ena saut kahanai e nohova tadikaka taihu haida be dahaka hahetoho e davari?

• Edena dalai haheauka bona lalokau e hahedinaraia?

• Edena dalai idia na “mai anina bada ḡaudia” e lalodia bada?​—Flp 1:10, NWT