David na Iehova enai e tabekau dainai Goliata e hadarerea. (1Sa 17:45) Iehova na e uramu ena hesiai taudia iboudiai idurudiai ena goada baine hahedinaraia. (2Si 16:9) Edena dalai Iehova ese e henimu heduruna ai baita tabekau, to dia siboda eda diba bona aonega ai? Daladia toi na ini:

• Ba ḡuriḡuri hanaihanai. Ba ḡuriḡuri dia Iehova ese emu kerere mo baine gwautao to hahetoho o davarimu neganai goada baine henimu danu. (Mt 6:12, 13) Ba ḡuriḡuri dia Iehova ese o kara abi hididia baine hanamodia mo to abi hidi do so kara neganai ia ese baine hakaumu bona aonega baine henimu totona.​—Iak 1:5

• Baibul iduahina bona istadilaina sediual-na ta ba badinaia. Dina ta ta ai Baibul ba duahia. (Sa 1:2) Baibul sivaraidia ba lalodia dobu, bona o dibamu ḡaudia ba badinadia. (Iak 1:23-25) Hesiai ḡaukara totona ba heḡaeḡae, dia emu ai e vara ḡaudia ai ba tabekau. Kongrigeisin heboudia bo moalelai dibamu bema nega badanai hebou ḡaudia bo heḡaeḡaelaimu.

• Iehova ena orea ida ba ḡaukara hebou. Iehova ena orea amo e maimu hahekau hereva matamatadia ba diba, bona ba badinadia namonamo haraḡa. (Nu 9:17) Elda taudia ese sisiba bona hahediba herevadia e gwauraimu neganai, ba kamonai.​—Heb 13:17

INA VIDIO BA ITAIA, DAḠEDAḠE DAINAI BASIO GARI BADINA, BENA INI HENANADAI BA HAERELAIDIA:

• Dahaka dainai tadikaka bona taihu haida na e gari?

• Dahaka ese e durudia edia gari karana e hanaia?