April 1-7
SALAMO 23-25
Ane 22 Bona Ḡuriḡuri | Hebou Ikehona Herevadia (1 min.)
1. “Iehova Na Lau Ireḡugu Tauna”
(10 min.)
Iehova ese e hakaudamu (Sal 23:1-3; w11 5/1 rau 31 par. 3)
Iehova ese e gimadamu (Sal 23:4; w11 5/1 rau 31 par. 4)
Iehova ese e ubudamu (Sal 23:5; w11 5/1 rau 31 par. 5)
Iehova ese ena hesiai taudia na e naridiamu, mamoe inarina tauna ese ena mamoe e naridiamu na heto.
SIBOMU BA HENANADAI, ‘Edena dala ai Iehova ese e narigumu?’
2. Dirava Ena Hereva Ba Tahua Namonamo
(10 min.)
Sal 23:3—“Kara maoromaoro daladia” be dahaka, bona dahaka ese baine duruda unu na basita rakatani? (w11 2/15 rau 24 par. 1-3)
Ina wiki ena Baibul duahiduahi amo oi e durumu ḡauna ta be dahaka?
3. Baibul Duahiduahi
(4 min.) Sal 23:1–24:10 (th stadi 5)
4. Herevahereva Ba Hamatamaia
(3 min.) NEGA BONA GABU IDAUIDAU AI HARORO ḠAUKARA. Bema ta na baine gwa ia na e lalohekwarahimu badina taunimanima ese tanobada na e hadikaiamu, ia baine durua Baibul sirina ta ba ḡaukaralaia. (lmd lesen 2 poin 5)
5. Ba Lou Henidia
(4 min.) RUMA TA RUMA TA. Mauri Ba Moalelaia Hanaihanai! buklet e abia dae tauna ta enai Baibul stadi dalana ba haheitalaia. (lmd lesen 9 poin 3)
6. Hahediba ai Ba Halaodia
(5 min.) lff-MO lesen 14 poin 4 (lmd lesen 11 poin 3)
Ane 32
7. Idau Taudia Gadodia Baita Dadarai
(15 min.) Henanadai bona haere.
Mamoe na mai dibadia ireḡudia tauna gadona bona ia e badinaiamu. To idau tauna gadona e kamonaimu neganai, idia na e heau boiomu. (Ioa 10:5) Una heḡereḡerena, ita ese Mamoe Ireḡudia Taudia namodia, Iehova bona Iesu gadodia ta kamonaimu. (Sal 23:1; Ioa 10:11) To ita ese idau taudia gadodia ta dadaraimu, badina idia na e uramu “koikoi herevadia” amo eda abidadama bae hamanokaia.—2Pe 2:1, 3.
Genese karoa 3 ese tanobada ai idau tauna gadona e hedinarai negana ginigunana e herevalaia. Satana na gaigai ta amo Heva e hereva henia dainai, Heva na se diba una be daika gadona. Satana na e koikoi Heva turana ai e hahelao, bena Iehova ena hereva e moḡedia. To madi, Heva na ia e kamonai henia bona una ese ia bona ena ruma bese ediai hisihisi bada e havaraia.
Hari Satana ese Iehova bona ena orea na e sivarailaidia koikoimu bona e uramu ita baine hadaradarada. Una dainai idau taudia gadodia na basita kamonai! Bema ta uramu nega sisina mo baita kamonai, una ese dika bada be havaraiamu. Satana bona Heva edia herevahereva lalonai Satana be dahaka hereva e gwaurai unu amo Heva e koia? (Ge 3:1, 4, 5) Bema ita e lalokau henidamu tauna ta na e uramu Iehova ena orea baine sivarailaia koikoi, dahaka baita kara be namo?
VIDIO ba pleia Idau Taudia Gadodia Ba Dadarai. Bena helai taudia ba nanadaidia:
Jade ese sinana be ede e haere henia toma bona Jade amo dahaka ta dibamu?
8. Kongrigeisin Baibul Stadi
(30 min.) bt-MO karoa 8 par. 1-4, rau 61-62 ai maua
