9:1-7

Iesu na toana e idau bona Tamana ese e hamaoroa e lalonamo heniamu neganai, ena hemami mani a laloa. Una ese Iesu na e hagoadaia enai bae vara hisihisidia baine haheaukalai totona. Danu una matahanai ese Petro, Iakobo bona Ioane na e hagoadadia. Idia na e diba Iesu na Mesia bona bae kamonai henia na maoro. Laḡani 32 muridiai, Petro ese e vara ḡaudia na e lalodia lou bona unu “peroveta herevadia” ese ena abidadama e hagoadaia.​—2Pe 1:16-19.

Ena be una matahanai na asita itaia, to ena ḡuḡuru na ta itaiamu. Iesu na Pavapava goadana ta heḡereḡerena e lohiamu. Kahirakahira, ia na ‘be kwalimumu,’ bona kara maoromaoro tanobada matamatana be havaraiamu.​—Apo 6:2.

Edena dala ai Baibul ena peroveta herevadia o itadiamu e ḡuḡurumu karana ese emu abidadama e hagoadaiamu?