Lalokau na glu na heto ruma bese e hatamonaiamu. Bema lalokau na lasi, ruma bese na basie lalotamonamu bona basie ḡaukara heboumu. Headava tau, hahine, bona tama sina ese ruma bese lalonai lalokau be ede bae hahedinaraia toma?

Adavana e lalokau heniamu tauna ese adavana ena ura, lalohadai, bona hemami e laloa badamu. (Efe 5:28, 29) Ia ese tauani dalanai ena ruma bese e nariamu bona e durumu Iehova bae hetura henia. (1Ti 5:8) Adavana e lalokau heniamu hahinena ese adavana e kamonai heniamu bona e ‘matauraiamu.’ (Efe 5:22, 33; 1Pe 3:1-6) Idia raruosi ese edia dika na bae gwautao heheni. (Efe 4:32) Natudia e lalokau henidiamu tama bona sina ese natudia na e lalodia badamu bona e hadibadiamu Iehova bae lalokau henia. (De 6:6, 7; Efe 6:4) Natudia be skuli gabudiai dahaka hekwakwanai e davarimu? Turadia edia hedori karadia be ede e haheaukalai tomamu? Bema ruma bese taudia na be helalokau hehenimu, iboudia na be noho namonamomu bona ruma bese maurina na be moalelaiamu.

INA VIDIO BA ITAIA, RUMA BESE LALONAI LALOKAU BA HAHEDINARAIA HANAIHANAI, BENA INI HENANADAI BA HAERELAIDIA:

• Adavana e lalokau heniamu tauna ese adavana be edena dalai baine ubua bona baine laloa bada?

• Adavana e lalokau heniamu hahinena ese adavana be ede baine matauraia toma?

• Tama sina ese natudia e lalokau henidiamu dainai, edena dalai Dirava ena Hereva na natudia bae hadibalaidia?