Lou henia bona Baibul stadi ta karamu neganai, namona na baita durudia point badadia bae lalopararalaidia. Ini point badadia baita hahedinarai ḡoevaḡoevamu neganai, kudoudia baita hamareremu bona hahediba herevadia be lalodiatao haraḡamu.

Lou henia o Baibul stadi ta totona o heḡaeḡaemu neganai, o uramu haheitalai amo ba hahedinarai point badadia mo bavabidia hidi. Bena idia mai dibadia o bae lalopararalai haheitalaidia bavabi hidi. (Mt 5:14-16; Mr 2:21; Lu 14:7-11) Namona na emu stiuden ena mauri dalana bona ena ḡaukara ba haerodia. (Lu 5:2-11; Ioa 4:7-15) Bema bo itaiamu stiuden na point ta e lalopararalaia dainai e moalemu, una ese emu moale be habadaiamu.

INA VIDIO BA ITAIA, HAHEDIBA TAUDIA IHALAODIA ḠAUKARANA BA MOALELAIA​—EMUI ḠAUKARA BE EDE BA HANAMO TOMA?​—POINT BADADIA BA HAHEDINARAI ḠOEVAḠOEVA, BENA INI HENANADAI BA HAERELAIDIA:

• Dahaka dainai stiuden baita durudia Baibul siridia bae lalopararalaidia?

• Neeta be edena haheitalai e ḡaukaralaia Roma 5:12 anina e hahedinaraia?

• Haheitalai namodia ese kamonai taudia be ede be durudia tomamu?

• Iseda haroro ḡaukara lalonai, dahaka dainai Iehova ena orea ese e halasi vidio bona hahediba tulu idauidau baita ḡaukaralaidia na namo?