Ina “dina gabedia” dokona kahana ai baita haheauka, badina metau o hekwakwanai idauidau na be bada be laomu. (2Ti 3:1; Mt 24:8) Tano laga o ma dika ta e varamu neganai, nega momo Iehova ena orea taudia ese hahekau herevadia na nega korikori ai e abimu. Vaira dinadia ai baita mauri totona, namona na harihari hereva baita kamonai bona lauma bona tauani dalanai baita heḡaeḡae.​—Lu 16:10.

• Lauma dalanai ba heḡaeḡae: Baibul ba duahia bona sibomu emu stadi ba karaia. Haroro daladia idauidau ba dibadia. Basio gari o basio daradara bema kongrigeisin ai ma haida ida na do asio heboumu, badina una na nega sisina mo. (Isa 30:15) Iehova bona Iesu na oi badibadimu ai e nohomu.​—od rau 176 par. 15-17

• Tauani dalanai ba heḡaeḡae: Ruma taudia ta ta ese bae hua baegedia mo basie lalo, to bae itaia aniani, ranu, bona muramura na heḡereḡere, bona idau gabu ai bae ha noho daudau negana ai bae ḡaukaralai ḡaudia haida danu bae ato heḡaeḡae.​—Her 22:3; g17.5 rau 4, 6

INA VIDIO BA ITAIA, BEMA DISASTA BE VARAMU, OI DO HEḠAEḠAE? BENA INI HENANADAI BA HAERELAIDIA:

• Disasta negadiai lauma dalanai be ede baita heḡaeḡae toma?

• Dahaka dainai . . .

  • elda taudia ida baita herevahereva namonamo na namo?

  • dahaka dainai emergency kit baita atoa heḡaeḡae be namo?

  • dahaka dainai bae vara disasta idauidau bona baita kara ḡaudia baita riviulai be namo?

• Disasta negana ai, ededia dala toi amo ma haida baita durudia diba?

SIBOMU BA HENANADAI, ‘COVID-19 pandemic ena hekwakwanai amo tame diba, dahaka ḡau baita heḡaeḡaelaidia be namo?’