Ina nega oromana dokona e kahikahimu dainai, ta dibamu heiriheiri karadia, terorist, bona tuari na be badamu. (Apok 6:4) Edena dalai vairai bae vara hekwakwanaidia daidiai baita heḡaeḡae diba?

• Lauma dalanai ba heḡaeḡae: Emu abidadama Iehova bona ena orea ediai ba hagoadaia bona tanobada amo ba gini siri totona, oi bae durumu sivaraidia bona hahekau herevadia Baibul ai ba stadilai. (Her 12:5; jr-E rau 125-126 par. 23-24) Hari na nega namona emu hetura karadia tadikaka taihu ida ba hagoada.​—1Pe 4:7, 8

• Tauanina dalanai ba heḡaeḡae: Emu noho gabuna ba plenilaia, bona ba itaia aniani, ranu bona muramura na heḡereḡere. Danu, ba heḡaeḡae bema o uramu emu gabu ba rakatania. Emu baege ai o uda ḡaudia ba sekedia lou, bona tauanimu igimana ḡaudia heḡereḡere glove bona mask bavabi heḡaeḡae, bona moni danu. Emu adres bona fon namba na elda ba henidia, unu amo bae davarimu haraḡa diba.​—Isa 32:2; g17.5-E rau 3-7

Heiriheiri e varamu neganai, Iehova itomadiho henina karadia na basio hadoko. (Flp 1:10) Gabu idauidau na basiola bema emu gabu ai dika na se varamu. (Mt 10:16) Ma haida na aniani bona ḡau ma haida ai ba durudia.​—Ro 12:13.

INA VIDIO BA HALASIA BEMA DISASTA BE VARAMU, OI DO HEḠAEḠAE? BENA INI HENANADAI BA HAERELAIDIA:

• Disasta negadiai Iehova be edena dalai ita be durudamu?

• Dahaka baita kara unu amo baita heḡaeḡae diba?

• Disasta ai dika e davari taudia be ede baita durudia toma?