Ita na dia ḡoevadae tauda dainai, ta hekwarahimu eda ura baita biagudia. Bema hanaihanai siboda eda ura ḡaudia baita karamu, Iehova ena lalonamo baita haboioa dibamu. Heḡereḡere, haida na aniani, dabua, bona noho gabudia e ura heni badamu dainai, Dirava na asie laloa badamu. Haida be mahuta hebou urana e laloa badamu dainai Dirava ena taravatu iutuna karadia e karamu. (Ro 1:26, 27) To ma haida be e uramu turadia ese bae ura henidia o bae abidia dae dainai, edia hedori karadia e abi daemu.​—Eso 23:2.

Edena dalai eda ura baita biagu diba? Namona na baita hekwarahi lauma ḡaudia baita lalo bada. (Mt 4:4) Danu, Iehova baita noia baine duruda eda ura baita biagu totona. Dahaka dainai? Badina ia ese eda namo e lalo badamu bona mai dibana eda dabu ḡaudia maorodia be ede baine heni toma.​—Sa 145:16.

INA VIDIO BA HALASIA SIGA ANI KARANA ESE EMU MAURI NA BASINE BIAGUA NA NAMO, BENA INI HENANADAI BA HAERELAIDIA:

• Dahaka dainai taunimanima haida na siga e animu?

• Siga ani karana ena dika be dahaka?

• Dahaka dainai siga ani karana na kerere?​—2Ko 7:1

• Edena dalai siga ani karana ba dadaraia eiava ba hadokoa vaitani?