KRISTEN EDIA MAURI
Aposteit Taudia Daidiai Ba Henari Namonamo
Satana bona ia e badinaiamu taudia ese hereva koikoidia na hereva momokanidia ida e moḡediamu iseda abidadama bae hadikaia totona. (2Ko 11:3) Heḡereḡere, Asuria taudia na hereva koikoidia e gwaurai Iehova ena taunimanima bae hagaridia totona. (2Sis 32:10-15) Iseda negai danu aposteit taudia na unu e kara tomamu. Aposteit taudia edia hahediba herevadia ta itamu neganai, dahaka baita kara? Baita laloa edia hahediba herevadia na vaitani poisin dainai baita dadaraidia! Edia hereva basio duahi, basio halou henidia, eiava ma haida ediai basio herevalai. Bema Iehova bona ena orea daidiai e halasimu herevadia haida ese daradara e havaraiamu, namona na ba dadaraidia haraḡa!—Iuda 3, 4.
INA VIDIO BA ITAIA, “EMUI ABIDADAMA BA GIMAIA”!—KAHA KWADOḠINA, BENA INI HENANADAI BA HAERELAIDIA:
-
Intanet ta ḡaukaralaiamu neganai, dahaka dainai baita henahua toho?
-
Roma 16:17 ena sisiba be ede baita badinaia toma?
