Odio Baibul be dahaka? Odio Baibul na New World Translation Baibul e rekodia ḡauna. Una na taina ruana gado idauidau ai e halasiamu. Una rekodin ena namo ta na, Baibul ai e herevalaidia taudia ta ta gadodia e rekodidia. E duahimu herevadia ai, poin badadia e hahedinarai ḡoevaḡoevamu, bona hemami e atomu, unu amo Baibul sivaraina na bae hahedinaraia namonamo.

Odio Baibul ese haida be ede e durudia tomamu? Odio Baibul e hakala henia louloumu taudia ese una na e moalelaiamu, badina Dirava ena Hereva na e hamauriamu na heto. Baibul character ta ta gadodia bae hahedinarai totona taunimanima idauidau e rekodidia, unu amo Baibul ai e vara sivaraidia na matadia amo e itamu na heto bona e tore ḡaudia na e lalopararalaidia namonamomu. (Her 4:5) Danu momo na e gwaumu, e lalometaumu neganai odio Baibul ihakala henina karana ese idia na e durudiamu.​—Sa 94:19.

Dirava ena Hereva ihakala henina karana ese ta na baine durua diba. (2Sis 34:19-21) Bema emu gado ai odio Baibul na mai ḡauna, eiava o lalopararalaiamu gadona ta ai e rekodia, namona na dina ta ta ai una rekodin ba hakala henia.

INA VIDIO BA ITAIA, ODIO BAIBUL E KARAIA DALANA​—KAHA KWADOḠINA, BENA INA HENANADAI BA HAERELAIA:

Odio Baibul e karaia dalana ese oi be ede e hagoadamu toma?