“Iehova ese ena orea taudia na e moalelaidiamu.” (Sa 149:4) Ena be ita na dia ḡoevadae, ia ese iseda kara namodia e itamu bona baita kara diba ḡaudia na mai dibana. To, nega haida ita siboda unu baita helalo toma na auka. Reana haida ese e kara henidamu daladia daidiai unu ta lalo tomamu. Eiava eda kerere gunadia mo ta lalomu dainai, ta laloamu Iehova ese ita na se lalokau henidamu. Bema lalohadai unu bamodia baita abi, dahaka ese baine duruda?

Baita helalotao Iehova ese e itamu ḡaudia na taunimanima ese basie ita dibamu. (1Sa 16:7) Anina na ita siboda edai asita itamu ḡaudia na ia sibona mo mai dibana. Ta moalemu badina Baibul amo Iehova ena lalohadai ta dibamu. Baibul sivaraidia bona siri haida amo ta dibamu Iehova na ia e tomadiho heniamu taudia e lalokau henidia badamu.

INA VIDIO BA ITAIA, BA HELALOTAO IEHOVA NA OI E LALOKAU HENIMUMU, BENA INI HENANADAI BA HAERELAI:

• Heau-helulu merona bona tamana edia sivarai amo Iehova ese ita e lalodamu dalana eme hahedinaraia. Dahaka ome diba?

  Emu haere

• Bema ta na kara dika badana ta e karaia bona heduru e abimu Iehova ida ena hetura karana baine hanamoa lou, edena dala ai baine hamomokania Iehova ese ia na e lalokau heniamu?​—1Ioa 3:19, 20

  Emu haere

• Tadikaka ese David bona Iehosafat sivaraidia e lalodia dobu neganai, una ese ia be ede e durua toma?

  Emu haere