KRISTEN EDIA MAURI

Hekwakwanai Ta Do Se Vara Lalonai Oi Do Heḡaeḡae?

PLAY

Tanobada heḡeḡemadai momo na e hekwarahimu e dabumu ḡaudia bae davari. Dahaka dainai sivarai unu bamodia ta kamonaimu neganai asita hoamu? Badina ita na dina gabedia dokodiai ta nohomu bona Baibul ena sisiba na e gwaumu, ‘asie mia daudaumu kohudiai’ na basita tabekaumu. (1Ti 6:17; 2Ti 3:1) King Iehosafat heḡereḡerena, hekwakwanai ta do se vara lalonai dahaka baita kara?

Iehosafat na ia e inai heniava besedia ese e hagaria neganai, ia na Iehova e abidadama henia. (2Sis 20:9-12) Danu ena bese taudia baine haheḡaeḡaedia totona, ia na kohoro e haginidia bona hanua ta ta ai tuari taudia e atodia. (2Sis 17:1, 2, 12, 13) Iehosafat heḡereḡerena, Iehova baita abidadama henia bona dika do asie vara lalonai baita heḡaeḡae.

HEKWAKWANAI DO ASIE VARA LALONAI, EDE BAITA HEḠAEḠAE TOMA?

Iehova ida emu hetura karana e hagoadaiamu ḡaudia bavato heḡaeḡae: O davarimu ḡaudia ba moalelai, bona bavabiadae Iehova ese dina ta ta oi na be narimumu. (Mat 6:26; 1Ti 6:8) Asita uramu lalohekwarahi ḡaudia daidiai ita ese Baibul ena hahekau herevadia baita utu. (Ro 2:21) Bema paoa eiava Intanet na lasi, Baibul bona magasin be ede bo abi tomamu? Namona na e printidia pablikeisen haida na dekemu ai ba dogotao, bona bema mai dalana, elektronik pablikeisen na nega badanai ba daonloud.

Ba heḡaeḡae: Hekwakwanai do asie vara lalonai, namona na basio abitorehai momo bona emu moni na ba ḡaukaralaia namonamo. (Her 22:7) Namona na aniani bona mai anidia bada ḡaudia bavato tabe. Haida na reana be uramu uma bae kara moni bae seivi totona.

INA VIDIO BA ITAIA, BEMA DISASTA BE VARAMU, OI DO HEḠAEḠAE? BENA INI HENANADAI BA HAERELAIDIA:

Disasta do se varai, ita ta ta be dahaka baita kara baita heḡaeḡae totona?

Emu haere

Dahaka baita kara unu amo ma haida baita durudia?

Emu haere

EDA KRISTEN MAURI BONA HESIAI ḠAUKARA–HEBOU PEPANA