May 6-12
SALAMO 36-37
Ane 20 Bona Ḡuriḡuri | Hebou Ikehona Herevadia (1 min.)
1. “Lalomu Na Basine Hekwarahi Kara Dika Taudia Daidiai”
(10 min.)
Kara dika taudia ese ita na e hahisidamu (Sa 36:1-4; w17.04 rau 10 par. 4)
Bona kara dika taudia dounu baita badu henidiamu neganai, siboda baita haheisimu (Sa 37:1, 7, 8; w22.06 rau 10 par. 10)
To Iehova ena gwauhamata iabidadama henidia karana ese maino be henidamu (Sa 37:10, 11; w03 12/1 rau 13 par. 20)
SIBOMU BA HENANADAI: ‘Lau ese nius ai e halasimu daḡedaḡe karadia be na lalodia momomu, eiava?’
2. Dirava Ena Hereva Ba Tahua Namonamo
(10 min.)
-
Sa 36:6—Salamo itorena tauna ese Iehova ena kara maoromaoro na “ororo badadia” ida e haheḡereḡerea neganai, anina be dahaka? (it-2 rau 445)
-
Ina wiki ena Baibul duahiduahi amo oi e durumu ḡauna ta be dahaka?
3. Baibul Duahiduahi
(4 min.) Sa 37:1-26 (th stadi 10)
4. Herevahereva Ba Hamatamaia
(3 min.) RUMA TA RUMA TA. (lmd lesen 1 poin 5)
5. Ba Lou Henidia
(4 min.) NEGA BONA GABU IDAUIDAU AI HARORO ḠAUKARA. Guna se ura Baibul baine stadilaia tauna ta enai Baibul stadi ba herevalaia. (lmd lesen 9 poin 4)
6. Tok
(5 min.) ijwbv 45—Sinado: Salamo 37:4 anina be dahaka? (th stadi 13)
Ane 38
7. Bae Vara “Dika Negadia” Daidiai Oi Do Heḡaeḡae, A?
(15 min.) Henanadai bona haere.
Tanobada heḡeḡemadai eda tadikaka taihu na disasta idauidau bona taunimanima ese e havaramu dika daidiai edia kohu e haboio bona edia lalokau taudia danu e mase. (Sa 9:9, 10) Una ese e hahedinaraiamu “dika negadia” na ita edai danu be vara dibamu, una dainai iboudai baita heḡaeḡae na namo.
Dia disasta negadiai bae duruda ḡaudia a mo baita heḡaeḡaelai, to dahaka ese danu baine duruda diba disasta bae vara negadia ai baita haheauka?
-
Lalomu ba haheḡaeḡaea: Bavabia dae disasta na be varamu, bona disasta ta baine vara neganai ba kara ḡaudia danu ba lalo. Kohu momo iura henina karana na ba dadaraia. Una ese oi na be durumumu abi hidi maorona bo karaiamu, emu mauri bona ma haida edia mauri bo laloa badamu to dia emu kohu. (Ge 19:16; Sa 36:9) Danu, be durumumu disasta murinai o haboio kohudia daidiai basio lalohisihisimu.—Sa 37:19
-
Lauma dalana ai ba heḡaeḡae: Bavabia dae Iehova ese oi na be narimumu. (Sa 37:18) Disasta ta do se vara ai, ina na hanaihanai ba laloa, Iehova ese iena hesiai taudia na be hakaudiamu bona be durudiamu, una dainai ena be eda kohu na baita haboio to Iehova ese eda mauri na be gimaiamu.—Ier 45:5; Sa 37:23, 24
Hanaihanai Iehova ena gwauhamata baita lalodiamu neganai, “hekwarahi negadia ai” ita ese ‘ia na eda hahemauri gabuna’ ai baita halaoamu.—Sa 37:39.
VIDIO ba pleia Bema Disasta be Varamu, Oi Do Heḡaeḡae? Bena helai taudia ba nanadaidia:
-
Disasta negadiai Iehova ese edena dalai baine duruda diba?
-
Baita heḡaeḡae totona ita be dahaka baita kara?
-
Disasta ai dika e davari taudia be ede baita durudia toma?
8. Kongrigeisin Baibul Stadi
(30 min.) bt-MO karoa 9 par. 8-16
Hebou Ikouna Herevadia (3 min.) |
a Awake! No. 5 2017, rau 4-6 ba itaia.
