DAHAKA DAINAI? Iesu baita tohotohoa totona, namona na Dirava ena ura baita harorolaia. (Ioa 18:37) Danu namona na hereva momokani baita moalelaia, hereva momokani baita gwauraia, bona momokani ḡaudia iboudiai baita haero, herevana koikoi bona kara gageva amo e honu tanobadana ai ta nohomu.​—1Ko 13:6; Fp 4:8.

EDENA DALA AI?

• Laloda baita hadai maumau herevadia basita kamonai bona basita gwaurai.​—1Te 4:11

• Ma ta ena hisihisi basita moalelaia

• Lalohadai maorodia bona hahegoada herevadia baita gwaurai

VIDIO LADANA “BA HELALOKAU HEHENI”​—KARA GAGEVA BASIO MOALELAI, A HEREVA MOMOKANI BA MOALELAIA BA ITAIA, BENA INI HENANADAI BA HAERELAI:

• Edena dala ai Debbie na ‘kara gageva e moalelaia’?

• Alice bona Debbie edia herevaherevava lalonai, edena dala ai Alice ese lalohadai maorodia e gwaurai?

• Dahaka ḡau namodia haida baita herevalai diba?