Hereva Momo Karana: Dia namo ḡau iboudiai na oi ese ba herevalai. Iesu na henanadai amo taunimanima e durudia bae lalohadai bona haere maorodia bae heni. (Mt 17:24-27) Oi ese henanadai amo stadi na o hamauriamu bamona, bona be durumumu stiuden ena laloparara bona e abi daemu ḡaudia bo dibadiamu. (be-MO 253 par. 3-4) Henanadai ta o henimu neganai, ba haheauka bona ba nari ela bona stiuden baine haere. Bema stiuden na haere kererena baine heni, oi ese haere maorona na basio gwauraia, to henanadai ma haida amo ba durua haere maorona baine heni totona. (be-MO 238 par. 1-2) Lalohadai matamatadia na ba herevalai hadai-hadai ela bona stiuden baine laloparara.—be-MO 230 par. 4.

Stadi Na Basio Ha-Aukaia: Oi o dibaia topik iherevalaina karana na ba naria namonamo. (Ioa 16:12) Paragraf ena point badana mo ba herevalaia. (be-MO 226 par. 4-5) Ena be ḡau momo bo herevalaimu bona stiuden lalona bo veriamu, to una ese point badadia baine huni diba. (be-MO 235 par. 3) Stiuden ese point badana baine lalopararalaia neganai, paragraf ma ta ai ba hanai.

Buka Mo Iherevalaina Karana: Ita na ta uramu stiuden kudouna baita hamarerea, dia buka mo baita herevalaia. (Lu 24:32) Dirava ena Hereva na mai siahuna dainai, namona na stadi lalonai siri badadia ba ḡaukaralai. (2Ko 10:4; Heb 4:12; be-MO 144 par. 1-3) Stiuden bae lalopararalai haheitalaidia ba ḡaukaralai. (be-MO 245 par. 2-4) Stiuden ena mauri bona ia e abi daemu ḡaudia ba lalo, bona una heḡereḡerena ai stadi ba karaia. Henanadai ini bamodia ba heni: “O dibamu ḡaudia dainai emu hemami be ede bamona?” “Ini ese Iehova be ede e herevalaia tomamu?” “Ini sisiba ba badina neganai dahaka namo bo davarimu?”—be-MO 238 par. 3-5; 259 par. 1.