KRISTEN EDIA MAURI
Bema Natu ese Iduara Baine Kehoa
Bema natu ese iduara baine kehoa, namona na ia baita noia tamana sinana baita hereva henidia. Unu amo baita hahedinaraia ita na tama sina ta matauraidiamu. (Her 6:20) Bema natu ese baine boirida vareai, namona na basita vareai. Bema tamana sinana na dia nonoho, namona na ma nega ta ai baita vadivadi.
Ena be natu laḡanina na 15 ela 19 padadiai, to dounu baita noia tamana sinana baita hereva henidia. Bema tamana sinana na dia nonoho, reana baita nanadaia, ‘Buka ta o abia hidimu neganai, oi tamamu sinamu e badumu?’ Bema ia baine gwa, ‘Lasi,’ ita ese eda pablikeisen ta baita henia diba bona reana jw.org baita herevalaia.
Ena be mero o kekeni baita lou henia, to baita noia tamana sinana baita hereva henidia guna na namo. Unu amo eda vadivadi badina na tamana sinana ediai baita herevalaia bona Baibul ai ruma bese iduruna sisibadia baita hahedinarai. (Sa 119:86, 138) Tama sina imatauraidia bona ilalodia bada karana na haroro dalana namona ta, bona una ese dala baine kehoa sivarai namona na ruma bese ida baita herevalaia totona.—1Pe 2:12.