Bema moni ḡaukara idavarina na auka, reana baita hekwarahimu eda mauri lalonai Dirava ena Basileia bona ena kara maoromaoro baita ato guna. Reana baita abia daemu moni ḡaukarana ese Iehova ihesiai henina karana be kouamu eiava Baibul ena hahekau herevana ta baita utuamu. To, ta diba momokanimu Iehova ese “ia e badinaia momokanimu taudia” ediai ena goada e hahedinaraiamu. (2Si 16:9, NWT) Ḡau ta ese Tamada lalokauna na basine koua dibamu, ita baine duruda bona eda dabu ḡaudia baine heni. (Ro 8:32) Una dainai bema ta uramu moni ḡaukarana ta baita abi hidi, namona na Iehova enai baita tabekau bona ena hesiai ḡaukara baita laloa bada.​—⁠Sa 16:8.

INA VIDIO BA ITAIA, MAI LALOGU IDOINAI IDA BAINA ḠAUKARA, IEHOVA TOTONA, BENA INI HENANADAI BA HAERELAIDIA:

• Dahaka dainai Jason ese bribe monina na se abia dae?

• Kolose 3:23 be ede baita badinaia toma?

• Jason ena haheitalai namona ese Thomas be ede e durua toma?

• Mataio 6:22 be ede baita badinaia toma?