November lalonai, ita ese tanobada matamatana be varamu sivaraina baita harorolaiamu. (Sa 37:10, 11; Apok 21:3-5) Palani ba kara ina haroro ḡaukara badana ba durua. Bema o uramu una hua lalonai heduru painia ḡaukara ba karaia, bavabia hidi diba hora 30 eiava 50 ba haḡuḡuru.

Tanobada matamatana e herevalaiamu Baibul sirina ta ba heḡaeḡaelaia bena taunimanima momo ediai ba herevalaia. Namona na emu teritori ai e nohomu taudia baine durudia siri maorona ta bavabia hidi. Bema kamonai taudia ese bae noimu ba vadivadi lou totona, pablik magasin The Watchtower No. 2 2021 ena kopi ta be henia. Bena, kamonai taudia ba lou henidia haraḡa bona Enjoy Life Forever! buklet amo Baibul stadi ta hamatamaia. Ta moalemu badina “ḡau namo hereana ta ena sivarai namona” baita harorolaiamu! ​—⁠Isa 52:7, NWT.

ORIGINAL SONG VIDIO LADANA, NEGA MATAMATANA BE KAUMU BA ITAIA, BENA INI HENANADAI BA HAERELAIDIA:

• Kekeni maraḡina be dahaka hahenamo vaira negai bae vara na e lalodiamu?

• Oi be o uramu tanobada matamatana ai dahaka ba moalelai?

• Emu helaro ilalo dobuna karana ese ede be durumu tomamu November ena haroro ḡaukara badana ba karaia namonamo totona?​—⁠Lu 6:45