Dina gabedia lalodiai hekwakwanai momo e varamu. Ina nega oromana dokona e kahikahimu neganai, hekwakwanai na be bada be laomu. Eda moni bona aniani na basie heḡereḡeremu eiava be oremu. (Hab 3:16-18) Dahaka ese baine duruda diba moni ena hekwakwanai baita haheaukalaia? Namona na dounu eda Dirava, Iehova baita abidadama henia. Ia na e gwauhamata ena hesiai taudia baine naridia, bona dala idauidau ai be duruda dibamu.​—Sa 37:18, 19; Heb 13:5, 6.

Ba kara diba ḡaudia:

• Iehova ba noia baine hakaumu, aonega baine henimu, bona baine durumu.​—Sa 62:8

• Guna so kara ḡaukaradia na mai emu ura ida bavabi dae.​—g-E 1/10 rau 8-9, maua

• Hanaihanai Dirava ena Hereva ba duahia, kongrigeisin heboudia baola, bona haroro ḡaukara ba karaia

INA VIDIO BA ITAIA BAINE HAHEAUKA DIBA RUMA BESENA BA HAGINIA​—“HARI DEKEMUI AI MIMIA ḠAUDIA NA BAVABI,” BENA INI HENANADAI BA HAERELAI:

• Ruma bese haida be dahaka hekwakwanai e davari?

• Eda mauri lalonai dahaka be mai anina bada?

• Moni dalanai e hekwarahimu taudia be ede baita durudia toma?