Eda websait ena home page ai na atikol idauidau bona vidio idauidau mimia, una ese kudou-maoro taudia lalodia bae veri diba. (Apos 13:48) Nega momo nius ai e gwauraimu topik idauidau eiava taunimanima ese e lalomu eiava e herevalaimu ḡaudia e atomu.

Haroro ḡaukara ai edena dala ai jw.org ena home page ba ḡaukaralaia diba?

• Nega iboudiai websait ba sekea. Websait ai ḡau matamatadia ba sekedia, bona ede bo ḡaukaralaia tomamu kamonai tauna ta ba durua dalana danu ba laloa. (Home page ai ḡau matamatadia ma haida ba ita totona, “See More” ba klikia.) Websait ai mimia ḡaudia ba seke loulou karana ese be durumumu haroro ḡaukara ai dala matamatadia ba ḡaukaralai.

• Home page ai atikol idauidau bona vidio idauidau ba ḡaukaralai diba emu hereva ba hamatamaia totona. Unu atikol bona vidio ese be durudamu teritori ai taunimanima ese e lalomu ḡaudia baita dibadia.

• Taunimanima ediai home page ba hahedinaraia. Topik haida bavabidia hidi, bona e kamonaimu tauna enai websait ai baine davaridia dalana ba hahedinaraia.

• Link ta ba siaia. Taunimanima haida na se uramu ita bae hereva henida, to e uramu eda websait bae sekea. Una dainai e kamonaimu tauna ta enai home page ena link eiava atikol eiava vidio ta ena link ba siaia.