Taunimanima momo na dagi bada taudia asie matauraidiamu. Unu e kara tomamu na ta lalopararalaiamu. Idaunega amo ema bona hari dagi bada taudia ese edia siahu na se ḡaukaralaia namonamomu. (Mik 7:3) Ta moalemu badina kongrigeisin lalodiai elda taudia na edia siahu e ḡaukaralaiamu Iehova ena taunimanima edia namo totona.—Est 10:3; Mt 20:​25, 26.

Elda taudia na dia tanobada ena dagi taudia bamodia, idia ese heitatao ḡaukarana e karaiamu badina Iehova bona ena taunimanima e lalokau henidiamu. (Ioa 21:16; 1Pe 5:​1-3) Iesu ena hahekau henunai, elda taudia ese pablisa ta ta e durudiamu Iehova bona iena orea kahirakahira bae noho totona. Idia ese lauma dalanai kara haraḡa Iehova ena mamoe e durudiamu, bona medikol hedurudia eiava disasta e varamu negadiai, e hedurumu danu. Bema heduru o uramu, emu kongrigeisin ai elda ta ba hereva henia diba.—Iak 5:14.

INA VIDIO BA ITAIA MAMOE IREḠUDIA TAUDIA ESE MAMOE NA E LALODIA BADAMU, BENA INI HENANADAI BA HAERELAIDIA:

• Edena dala ai Mariana na elda edia heduru amo namo e davari?

  Emu haere

• Edena dala ai Elias na elda edia heduru amo namo e davari?

  Emu haere

• Ini ekspiriens amo elda taudia edia ḡaukara be ede o laloa tomamu?

  Emu haere