October 7-13
SALAMO 92-95
Ane 40 Bona Ḡuriḡuri | Hebou Ikehona Herevadia (1 min.)
1. Iehova Ihesiai Henina Na Dala Hereadaena!
(10 min.)
Iehova baita tomadiho henia na maoro (Sa 92:1, 4; w18.04 rau 26 par. 5)
Ia ese ena taunimanima e durudiamu abi hidi namodia bae kara bona bae moale (Sa 92:5; w18.11 rau 20 par. 8)
Ia ese ia e hesiai heniamu taudia na e lalodia badamu ena be laḡanidia na babada (Sa 92:12-15; w20.01 rau 19 par. 18)
SIBOMU BA HENANADAI, ‘Lau be dahaka ese e kougumu Iehova enai egu mauri baina gwauhamatalaia bona baina bapatiso?’
2. Dirava Ena Hereva Ba Tahua Namonamo
(10 min.)
-
Sa 92:5—Ina siri ena hereva ese Iehova ena aonega be ede e hahedinaraia tomamu? (cl rau 176 par. 18)
-
Ina wiki ena Baibul duahiduahi amo oi e durumu ḡauna ta be dahaka?
3. Baibul Duahiduahi
(4 min.) Sa 94:1-23 (th stadi 5)
4. Herevahereva Ba Hamatamaia
(4 min.) NEGA BONA GABU IDAUIDAU AI HARORO ḠAUKARA. Emui herevahereva lalonai, o hereva heniamu tauna enai emu ḡaukara, Baibul ihahedibalaina ḡaukarana, ba herevalaia. (lmd lesen 5 poin 3)
5. Ba Lou Henidia
(3 min.) NEGA BONA GABU IDAUIDAU AI HARORO ḠAUKARA. Guna se ura Baibul baine stadilaia tauna enai Baibul stadi ba herevalaia. (lmd lesen 8 poin 4)
6. Hahediba ai Ba Halaodia
(5 min.) Pablisa ta na ena Baibul stiuden ida e herevaherevamu. Stiuden na lauma dalana ai sensi haida se karamu. (lmd lesen 12 poin 5)
Ane 15
7. Matamata Taudia E Lalometaumu Negadiai
(15 min.) Henanadai bona haere.
Iehova e hesiai heniamu taudia danu e lalometaumu. Heḡereḡere David, ia danu ena mauri lalonai e lalometauva, bona iseda negai tadikaka taihu momo danu unu e hemami tomamu. (Sa 13:2; 139:23) Matamata taudia danu e lalometaumu. Una dainai, nega haida asie uramu bae sikuli eiava kongrigeisin heboudia baela. Danu, edia lalometau e badamu neganai, e gorerediamu eiava suicide lalohadaidia e abimu.
Matamata taumui e, bema emu lalohekwarahi ḡaudia na momo, namona na tamamu sinamu eiava lo tauna ta ba hereva henia. Danu ḡuriḡuri amo Iehova enai heduru ba noi. (Fili 4:6) Ia ese oi na be durumumu. (Sa 94:17-19; Isa 41:10) Steing ena ekspiriens aita laloa.
VIDIO ba pleia Iehova ese E Narigu. Bena helai taudia ba nanadaidia:
• Edena siri ese Steing e durua, bona dahaka dainai?
• Iehova ese Steing be ede e durua toma?
Tama sina e, natumui e lalometaumu negadia ai, mai haheaukamui ida ba hakala henidia, ba hamaorodia idia na o lalokau henidiamu, bona ba durudia unu amo bae abia dae Iehova ese idia na e lalokau henidiamu. (Tit 2:4; Iak 1:19) Iehova enai ba tabekau bena ia ese tauhalo bona goada baine henimu natumui ba reḡudia namonamo totona.
Reana kongrigeisin lalonai ta e lalometaumu na asita dibamu, eiava ena hemami na asita lalopararalaiamu. To, baita durudia unu amo bae mamia kongrigeisin taudia ese idia na e lalokau henidiamu. —Her 12:25; Heb 10:24.
8. Kongrigeisin Baibul Stadi
(30 min.) bt-MO karoa 16 par. 6-9, rau 132 ai maua
