Dahaka Dainai Taunimanima Na Ruma Bese Lalonai Hemataurai Na Se Hahedinaraiamu?
DAHAKA DAINAI RUMA BESE LALONAI HEMATAURAI NA MAI ANINA BADA?
Ruma bese lalonai ta ta baita hemataurai hehenimu neganai, maino na be varamu.
-
Buka ta ladana The Seven Principles for Making Marriage Work na e gwaumu bema headava taudia na e hemataurai hehenimu, dina ta ta ai “dala idauidau amo be hahedinaraiamu idia na e helalokau hehenimu.”
-
Hetahu ḡaukarana ta amo e davaria ma haida e matauraidiamu maraḡidia na e laloamu idia na taunimanima namodia, tamadia sinadia ida e hetura namonamomu, bona asie lalohisihisimu.
BA KARA DIBA ḠAUDIA
Emu ruma bese ida plen ta ba karaia. Ginigunana, namona na ruma bese taudia ta ta na “hemataurai” karana anina bae dibaia. Iharuana, ta ta ese bae kara ḡaudia bona basie kara ḡaudia na bae toredia. Ihatoina, emu plen ba herevalaia, unu amo umui iboumuiai na bo dibamu, dahaka ba kara hemataurai karana ba hahedinaraia totona.
Haheitalai namona ba hahedinaraia. Emu ruma bese taudia na edia kerere daidiai basio gwau henidia, edia lalohadai e gwauraimu neganai basio kirikirilaidia, eiava e hereva henimumu neganai edia hereva na basio utu.
Dala ta na ina: Adavamu bona natumu ba matauraidia ena be idia ese una na e laloa badamu eiava lasi.
Ma haida ba matauraidia ena be so lalotamonamu. Emu lalohadai o gwaurai hedinaraimu neganai, ini hereva na basio gwaurai, heḡereḡere “oi na hanaihanai o bisimu” eiava “lau na so durugu tohomu.” Hereva unu bamodia ese emu ruma bese taudia na be hahisidiamu bona hekwakwanai maraḡina na be habadaiamu.
IEHOVA ENA WITNES ESE RUMA BESE LALONAI HEMATAURAI KARANA BE EDE E HAHEDINARAIA TOMAMU?
Iehova ena Witnes taudia ese ruma bese taudia ta ta na e hagoadadiamu bae hemataurai heheni. Nega momo e halasimu atikol, buka, buklet, bona vidio ai hemataurai karana e herevalaimu, bona unu na asi davadia.
HEADAVA TAUDIA: Atikol series Help for the Family ese headava tatau bona hahine be durudiamu . . .
-
bae hakala namonamo
-
bae hereva namonamo
-
basie hepapahuahu
(“Help for the Family” na jw.org ai ba tahua)
TAMA SINA: Atikol series Help for the Family ese tama sina be durudiamu natudia bae hadibadia . . .
-
hereva bae kamonai
-
ruma ḡaukaradia ai bae heduru
-
“please” bona “tenkiu” herevadia bae gwaurai
(“Raising Children” bona “Raising Teenagers” na jw.org ai ba tahudia)
Buka ladana Questions Young People Ask—Answers That Work, Volium 1 ena apendiks ai kaha ladana “Questions Parents Ask” danu ba itaia. (“Questions Parents Ask” na jw.org ai ba tahua)
MATAMATA TAUDIA: Ina kaha Teens and Young Adults jw.org ai na mai ena atikol, vidio, bona worksheet. Unu ese matamata taudia be durudiamu . . .
-
tamadia sinadia bona vara boudia ida bae hetura namonamo
-
tamadia sinadia ida taravatu na mai hematauraidia ida bae herevalai
-
ḡau haida bae kara unu amo tamadia sinadia ese idia na bae abidadama henidia
(“Teens and Young Adults” na jw.org ai ba tahua)
Ina websait jw.org iḡaukaralaina na asi davana. Hua ta ta ai moni na basio peimu bona oiemu personal information danu basia abiamu.
