“Adavagu Sophia a ida emai headava laḡanina na 39 mai kahana, to ia na nega daudau lalonai e haheaukalaia gorerena ta dainai e mase. Turagu ese lau na e durugu bada, bona lau sibogu na ḡau momo na karava. To laḡani ta ibounai lalonai, na mamiava egu hisihisi na bada herea. Egu hemami na e idau’idauva bona sibogu ese baina biagua na auka. Sophia ena mase na kahirakahira laḡani toi da be abiamu to doini na helalomu.”​—Kostas.

O lalokau heniamu tauna ta de mase, a? Bema oibe, reana emu hemami na Kostas ena ida heḡereḡere. Adavada, varavarada eiava turada ta e masemu neganai, ta mamiamu hisihisina ese hisihisi haida na e hereadia. Bona mase dainai e daradokomu taudia e stadilaidiamu diba bada taudia ese una na e hamomokania. Buka ta (The American Journal of Psychiatry) na e gwaumu: “Ta e masemu neganai momo na e laloamu basie itaia loumu dainai daradia na e dokomu.” Una dainai ini e lalo tomamu: ‘Ina hemami be edena negai baine ore? Lau be hanaihanai ini baina lalohisihisi toma? Heduru be ede amo baina abi?’

Unu henanadai na ina Ba Noga! magasin ese be haerelaimu. Bema emu lalokau tauna ta na vanegai e mase, atikol iharuana na e varamu ḡaudia e herevalai. Bena murina atikol-dia ai, emu lalohisihisi ba haheaukalaia daladia na e herevalai.

Emai ura badana na, e daradokomu taudia na ina magasin ai e duahimu herevadia ese bae durudia bona bae hagoadadia.