Dirava be Daika?
Taunimanima momo na e gwaumu, Dirava na e abidadama heniamu. To bo nanadaidiamu Dirava be daika neganai, edia haere na idauidau. Haida be e gwaumu, Dirava na hahemaoro tauna aukana, badina taunimanima na edia kara kereredia daidiai e panisidiamu. Haida be e laloamu, herevana dahaka bae kara Dirava ese edia dika na be gwautaomu badina ia na lalokau Diravana. A haida be doini e abia daemu Dirava na ita amo daudau dainai se laloda badamu. Lalohadai idauidau daidiai momo na e gwaumu, Dirava bae dibaia na auka.
Dirava baita dibaia be mai anina bada, a? Oibe. Dirava bo dibaia namonamomu neganai, emu mauri badina bo lalopararalaiamu. (Aposetolo Edia Kara 17:26-28) Dirava bo hakahikahiamu neganai, ia ese oi na be lalokau henimumu bona be durumumu. (Iakobo 4:8) Ḡau badana be, Dirava ena amo diba maorona bavabia, badina una ese oi na mauri hanaihanai e lao heniamu dalana ai be hakaumumu.—Ioane 17:3.
Edena dala ai Dirava ba dibaia? Mani oi turamu namona a laloa. Emui hetura be ede e hematama toma? Ia o dibaia dalana na, ia ladana, ena kara, e ura henimu bona se ura henimu ḡaudia o diba. Danu e kara ḡaudia, vairai baine kara ḡaudia, bona ma ḡau haida o dibadia. Oibe, iena kara o dibadia namonamo neganai, ia na oi turamu namona ai ela.
Una heḡereḡerena, Dirava baita dibaia namonamo totona baita lalo ḡaudia na ini:
Ina magasin ese unu henanadai na Baibul amo be haerelaimu. Ini atikol ese be durumumu Dirava bo dibaia namonamomu, bona ia ihetura henina karana amo bo abimu hahenamodia bo dibamu.
You May Also Like
GIMA KOHORONA
Dirava Ladana be Daika?
Mai dibamu Dirava be mai ladana, a? Danu ia ladana amo bo dibamu ia be daika.
