Dirava Ena Gavamani Sivaraina Momokanina
Iesu ese ia murinai e rakava taudia na e hadibadia ini bae ḡuriḡuri toma: “Tamamai e, guba ai o nohomu, oi ladamu baia hahelaḡaia; Emu [Gavamani] bainema, Emu ura tanobada ai baia kara, guba ai e karamu na heto.” (Mataio 6:9, 10) Dirava ena Gavamani be dahaka? Una Gavamani be dahaka e karamu? Bona dahaka dainai ta ḡuriḡurimu una Gavamani bainema?
Dirava ena Gavamani ena King na Iesu.
Luka 1:31-33: “Ladana ba hatoa IESU. Ia na baine herea dae, Herea Mikamika Natuna bae gwauraia; Lohiabada Dirava ese tamana David ena terono na baine henia; Iakob ena iduhu baine halohiaia hanaihanai; ena Basileia na basine doko.”
Dirava ena Gavamani na Iesu ena haroro herevana badana.
Mataio 9:35: “Iesu na hanua badadia ai bona hanua maraḡidia ai e loa eva-evava, edia dubu lalodiai e hahedibava, [Dirava ena Gavamani] sivaraina namona e harorolaiava, gorere taudia bona hisi-ani taudia iboudiai e hamauridiava.”
Iesu ese ena hahediba ediai toa e herevalaia unu amo bae diba Dirava ena Gavamani ena mai na vada kahirakahira.
Mataio 24:7: “Badina be bese ta bese ta ida bae heala-ala heheni, bona basileia ta basileia ta ida bae tuari. Gabu idau-idau ai doe bona dai-hanai goreredia bae vara, tano danu bae laga.”
Hari tanobada heḡeḡemadai ai, Iesu ena hahediba ese Dirava ena Gavamani e harorolaiamu.
Mataio 24:14: “[Dirava ena Gavamani] sivaraina namona na tanobada idoinai bae harorolaia, bese iboudiai ihadibalaidia; bena dokona vada baine kau.”
