New Zealand ai taihu ta na dina ta jw.org ai vidio ladana, “Have . . . Concern for One Another” e itaiava. Una vidio ai e hahedinaraia Iehova ese ena hebogahisi na ena kara amo e hahedinaraiamu. (Isa. 63:​7-9) Taihu na e ura e diba ḡaudia baine badina bona dala e tahu ma haida baine durudia. Una dina ai, ia na stoa ela neganai, ogoḡami hahinena ta e hedavari henia bona e ura ana baine hoi. Una hahine ese ena heduru na e abia dae. Taihu ese una hahine ana aniani e heni neganai, e haroro henia, bona pepapepa ladana O Laloamu Hisihisi Bae Ore? e henia.

Una hahine na e tai. Bona taihu e hamaoroa ia na hereva momokani ai e bada to laḡani momo vada e manoka. To, vanegai ia na Iehova e ḡuriḡuri henia baine durua ia baine lou henia totona. Taihu ese una hahine na Baibul ta e henia bona dala e kara bae stadi. a

Iehova heḡereḡerena taunimanima iboudiai baita bogadia hisi, varavarada bona kongrigeisin lalonai tadikaka taihu danu. Bona dala baita tahu ma haida baita haroro henidia, unu amo hebogahisi karana baita hahedinaraia.